Actualitats
Rugbi XIII: la Copa cartona
Aquesta dimenjada, Dòna Copa perseguissiá son sòm d’ivèrn, un sòm tranquillet per se desrevelhar lo quart en man sens cap de suspresa
Alan Roch
La Copa respècta la logica
Per aquel torn dels oitens de finala, Lesinhan se deguèt emplegar per anar batre l’Escura (28-24), Limós prenguèt lo pas sus Avinhon 38-24, Carpentràs se ganhèt l’afrontament d’Elèit 2 amb los Lops de Vilafranca 28-14 e Lion daissèt passar los Laupards de Vilanòva: 28-12.
Las autras quatre partidas s’acabèron amb de diferéncias bèlas e balhèron d’òbra als encargats del planchòt. Dissabte, èra pas lo jorn dels Broncos: los de Palau foguèron inexistents a Albi (66-6) e aqueles de Tolosa aguèron de pena per tirar la carreta per s’entornar a l’ostal aprèp un 86-6 encaissat a Sant Estève. Dimenge, se las Tarantas de Baó marquèron primièras, los Canaris de l’AE Carcassona s’envolèron 46-12. Dins l’afrontament dels pichons Pocets de Nacionala 1, Ferrals de Corbièras joguèt lo ròtle dels Gigants e passèt a la grasilha Sant Llorenç de Salanca: 54-0.
Las oposicions pels quarts de la dimenjada del 21 de febrièr seràn establidas lo divendres 5 de febrièr a Perpinhan jos l’autoritat de l’estat de París: valent a dire, per las mans de la prefècta dels Pirenèus-Orientals.
Dracs: tirar lo bon numèro
Dissabte, per lor segonda partida amicala, los Dracs catalans perdèron 26-16 en cò dels Gigants d’Huddersfield. De qué balhar las indicas de trabalh abans la primièra partida oficiala de la competicion 2016 de Superliga, amb lo desplaçament lo divendres 5 de febrièr en cò de Wigan.
Mas, del costat de Brutus, l’informacion importanta de la fin de setmana, aquò’s l’atribucion dels numèros de malhòt. Los ans passats, los jogaires podián causir los numèros que lor passavan pel cap. Ongan, Laurenç Fraissinós ditz que los numèros correspondon a l’esquipa tipe http://www.catalansdragons.com/articles-9/116-3730-les-numeros-de-squad-2016-devoiles/ . Atal, Tòni Gigòt se vei balhar lo numèro 1 d’arrièr e Morgan Escarré se trapa doblura amb lo numèro 21. Los nafrats son de retorn: Vincenç Dupòrt al centre (numèro 4) e Remi Casty coma pilar (numèro 10); los nòuvenguts son dins lo XIII de basa. A las alas: Broughton en 2 e Richards en 5; a la mesclanha: Myler en 7; en segonda linha: Stewart en 11 e Horo en 12. L’an passat, Pelissièr romeguèt d’èsser solament la doblura d’Henderson al talonatge. Se deurà acostumar a la situacion vist qu’Aiton aurà lo 9 e, el, lo 16. Los joves, integrats la sason passada, fan partida de la lista oficiala: Yaha (20) e Lucàs Albèrt (27). Coma los novèls cridats de la resèrva: Tibaut Margalet (24) e Ugo Perez (25). Ara ven a cadun, dins una amira collectiva, de faire veire son numèro.
Encara tres jornadas de primièra fasa per l’Elèit1
En campionat d’Elèit 1, aqueste dissabte lo cap de fila, l’AE Carcassona, jogarà a Avinhon. Se podètz pas anar a Sant Ruf, poiretz seguir, a comptar de las 4 e mièja del vèspre, la partida en difusion dirècta (live-streaming en francimand) sul sit de la Federacion. Dissabte tanben, als Minims, Tolosa e Palau ensajaràn de se remetre dels cartons encaissats en Copa. Dimenge, desfaita interdita per Limós a Vilanuèva e per Lesinhan que recebrà Albi al Molin: las doas formacions audencas son en batèsta amb los absents del jorn, los Dragonets, per doas plaças dins la pola bèla de la segonda fasa.
Las femnas a l’onor sul fenestron
Diluns passat, France 3 Tolosa passèt a l’antena un documentari de 52 minutas consagat a las jogairas de Tolosa-Ovalia XIII: XIII filles en Ovalie. Un plaidejar bèl e dinamic pel XIII e per l’espòrt femenin.
Alan Roch
src="http://ad.impresionesweb.com/iw.js">
Per aquel torn dels oitens de finala, Lesinhan se deguèt emplegar per anar batre l’Escura (28-24), Limós prenguèt lo pas sus Avinhon 38-24, Carpentràs se ganhèt l’afrontament d’Elèit 2 amb los Lops de Vilafranca 28-14 e Lion daissèt passar los Laupards de Vilanòva: 28-12.
Las autras quatre partidas s’acabèron amb de diferéncias bèlas e balhèron d’òbra als encargats del planchòt. Dissabte, èra pas lo jorn dels Broncos: los de Palau foguèron inexistents a Albi (66-6) e aqueles de Tolosa aguèron de pena per tirar la carreta per s’entornar a l’ostal aprèp un 86-6 encaissat a Sant Estève. Dimenge, se las Tarantas de Baó marquèron primièras, los Canaris de l’AE Carcassona s’envolèron 46-12. Dins l’afrontament dels pichons Pocets de Nacionala 1, Ferrals de Corbièras joguèt lo ròtle dels Gigants e passèt a la grasilha Sant Llorenç de Salanca: 54-0.
Las oposicions pels quarts de la dimenjada del 21 de febrièr seràn establidas lo divendres 5 de febrièr a Perpinhan jos l’autoritat de l’estat de París: valent a dire, per las mans de la prefècta dels Pirenèus-Orientals.
Dracs: tirar lo bon numèro
Dissabte, per lor segonda partida amicala, los Dracs catalans perdèron 26-16 en cò dels Gigants d’Huddersfield. De qué balhar las indicas de trabalh abans la primièra partida oficiala de la competicion 2016 de Superliga, amb lo desplaçament lo divendres 5 de febrièr en cò de Wigan.
Mas, del costat de Brutus, l’informacion importanta de la fin de setmana, aquò’s l’atribucion dels numèros de malhòt. Los ans passats, los jogaires podián causir los numèros que lor passavan pel cap. Ongan, Laurenç Fraissinós ditz que los numèros correspondon a l’esquipa tipe http://www.catalansdragons.com/articles-9/116-3730-les-numeros-de-squad-2016-devoiles/ . Atal, Tòni Gigòt se vei balhar lo numèro 1 d’arrièr e Morgan Escarré se trapa doblura amb lo numèro 21. Los nafrats son de retorn: Vincenç Dupòrt al centre (numèro 4) e Remi Casty coma pilar (numèro 10); los nòuvenguts son dins lo XIII de basa. A las alas: Broughton en 2 e Richards en 5; a la mesclanha: Myler en 7; en segonda linha: Stewart en 11 e Horo en 12. L’an passat, Pelissièr romeguèt d’èsser solament la doblura d’Henderson al talonatge. Se deurà acostumar a la situacion vist qu’Aiton aurà lo 9 e, el, lo 16. Los joves, integrats la sason passada, fan partida de la lista oficiala: Yaha (20) e Lucàs Albèrt (27). Coma los novèls cridats de la resèrva: Tibaut Margalet (24) e Ugo Perez (25). Ara ven a cadun, dins una amira collectiva, de faire veire son numèro.
Encara tres jornadas de primièra fasa per l’Elèit1
En campionat d’Elèit 1, aqueste dissabte lo cap de fila, l’AE Carcassona, jogarà a Avinhon. Se podètz pas anar a Sant Ruf, poiretz seguir, a comptar de las 4 e mièja del vèspre, la partida en difusion dirècta (live-streaming en francimand) sul sit de la Federacion. Dissabte tanben, als Minims, Tolosa e Palau ensajaràn de se remetre dels cartons encaissats en Copa. Dimenge, desfaita interdita per Limós a Vilanuèva e per Lesinhan que recebrà Albi al Molin: las doas formacions audencas son en batèsta amb los absents del jorn, los Dragonets, per doas plaças dins la pola bèla de la segonda fasa.
Las femnas a l’onor sul fenestron
Diluns passat, France 3 Tolosa passèt a l’antena un documentari de 52 minutas consagat a las jogairas de Tolosa-Ovalia XIII: XIII filles en Ovalie. Un plaidejar bèl e dinamic pel XIII e per l’espòrt femenin.
Alan Roch
src="http://ad.impresionesweb.com/iw.js">
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Titol original : LA COPA CARTONA
En referéncia als cartons (= gròssa diferéncia de punts, en lenga rugbí) : 86-6, 66-6, 54-0 e 46-12 !!!!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari